skip to content

கீதை அறிக நீ - அத்தியாயம் 6

கீதை அறிக நீ - அத்தியாயம் 6

  • aruruksor muner yogam
    karma karanam ucyate
    yogarudhasya tasyaiva
    samah karanam ucyate

    ஒன்றிமனம் யோகத் தொழுகும் முனைவர்க்கு
    நன்றுதவும் நற்கருவி நற்பணியே - வென்றபலன்
    உய்யாமை யோகிக் குயர்வே அறிகநீ
    ஐந்தடக்கம் ஆயுத மாம் (6:3)

  • uddhared atmanatmanam
    natmanam avasadayet
    atmaiva hy atmano bandhur
    atmaiva ripur atmanah

    உள்ளத்தால் நல்லுயர் வுற்றல்நன் றஃதற்று
    கொள்ளுநிலை தாழக் கொளற்றீது - தெள்ளியர்க்குத்
    தோழனாய் தன்மனமே தோன்றும் அறிகநீ
    ஆழப் பகையும் அது (6:5)
    தெள்ளியர் - தெளிந்த அறிவினர்

  • bandhur atmatmanas tasya
    yenatmaivatmana jitah
    anatmanas tu satrutve
    vartetatmaiva satru-vat

    நண்பருள் தன்னெஞ்சே நற்றுணையாம் அந்நெஞ்சை
    வென்றாளும் விந்தை உணர்ந்தார்க்கு - தன்நெஞ்சே
    வாட்டும் கடும்பகையாய் மாறும் அறிகநீ
    ஓட்டத்தை வெல்லா உயிர்க்கு (6:6)

  • jitatmanah prashantasya
    paramatma samahitah
    sitosna-sukha-duhkhesu
    tatha manapamanayoh

    தன்நெஞ்சை ஆண்டதன்கண் தான்பெற்ற நிம்மதியால்
    வென்றான்காண் அப்பரத்தின் மேன்மையை - அன்னவன்முன்
    வன்வெப்பும் தண்மையும் ஒன்றாம் அறிகநீ
    இன்பதுன்பம் வேற்றுமை இல் (6:7)

  • suhrn-mitrary-udasina-
    madhyastha-dvesya-bandhusu
    sadhusv api ca papesu
    sama-buddhir visisyate

    நடுநிலையான் ஈவோன் நலம்விரும்பி தூதன்
    படுபாவி வன்கணன் பக்தன் - தொடர்நண்பன்
    யாவருமொன் றென்பர் உயர்ந்தோர் அறிகநீ
    மேவுவர் மேன்மை மிகுத்து (6:9)

  • yuktahara-viharasya
    yukta-cestasya karmasu
    yukta-svapnavabodhasya
    yogo bhavati duhkha-ha

    உண்ண லுறங்க லுளங்களித்தல் செய்கையிவை
    பண்படத்தன் வாழ்வைப் பயில்வோனே - புண்படுத்தும்
    மாயைத் துயரற்று வாழ்வான் அறிகநீ
    தூயுள யோகத் தொடர்பு (6:17)

  • yatha dipo nivata-stho
    nengate sopama smrta
    yogino yata-cittasya
    yunjato yogam atmanah

    ஏற்றமிகு யோகநிலை ஏற்றவன்றன் எண்ணத்தில்
    மாற்றமற நெஞ்சாளும் வல்லானே - காற்றிலாப்
    போதலையாத் தீச்சுடர்ப் போல்வான் அறிகநீ
    யாதுமிலை யோகத் தெதிர் (6:19)

  • sa niscayena yoktavyo
    yogo ’nirvinna-cetasa
    sankalpa-prabhavan kamams
    tyaktva sarvan asesatah
    manasaivendriya-gramam
    viniyamya samantatah

    உள்ளத் தடுமாற்றம் உந்துமவா வேரறுத்துக்
    கள்ளப் பொறியைந்தைக் காத்தடக்கித் - தெள்ளறிவோ
    டுன்னத யோகநிலை உள்ளுய்த் தறிகநீ
    முன்னுவழி மாறா முயன்று (6:24)

  • sanaih sanair uparamed
    buddhya dhrti-grhitaya
    atma-samstham manah kritva
    na kincid api cintayet

    அடிப்படையாம் நல்லறிவை ஆற்றலாய்க் கொண்டு
    படிப்படியாய் சாந்தம் பழகி - விடுத்துபுறம்
    தன்னகத்தெண் ணஞ்சேர் தவஞ்செய் தறிகநீ
    எந்நினைவும் இல்லா தியல்பு (6:25)

  • yato yato niscalati
    manas cancalam asthiram
    tatas tato niyamyaitad
    atmany eva vasam nayet

    தங்கிடா தெங்கினும் தாவும் மனவழியில்
    எங்கெலாம் உள்ளெண்ணம் ஏகிடுமோ - அங்கிருந்து
    நன்முறைக்கு மீட்டலே நன்றென் றறிகநீ
    உன்வழிசேர் உள்ளத் துயர்வு (6:26)

  • sarva-bhuta-stham atmanam
    sarva-bhutani catmani
    iksate yoga-yuktatma
    sarvatra sama-darshanah

    எவ்வுயிர்க் கண்டும் எமையுணர்வான் எம்மிலவன்
    ஒவ்வோர் உயிராய் உணர்கின்றான் - செவ்வுளத்தான்
    என்றுமெங்கும் காண்கின்றான் எம்மை அறிகநீ
    ஒன்றிய தெம்முள் உலகு (6:29)

  • sarva-bhuta-sthitam yo mam
    bhajaty ekatvam asthitah
    sarvatha vartamano ’pi
    sa yogi mayi vartate

    காணும் உயிரிலெலாம் கண்டெமை ஏத்துபவன்
    காணுமெமை அப்பரமாய்க் காண்பதனால் - காணுமவன்
    எம்முள் உறைகின்றான் என்ப தறிகநீ
    அம்மனமே யோகிக் கணி (6:31)

  • sri-bhagavan uvaca
    partha naiveha namutra
    vinasas tasya vidyate
    na hi kalyana-krt kascid
    durgatim tata gacchati

    செவ்வி செயற்செய் திறம்படைத்தோர் சீர்கெடுக்கும்
    எவ்வழிவும் காணார்காண் இவ்வுலகில் - அவ்வுலகில்
    இல்லை துயரவர்க்கென் றாகு மறிகநீ
    நல்லோர் அடையார் நலிவு (6:40)

  • tapasvibhyo ’dhiko yogi
    jnanibhyo ’pi mato ’dhikah
    karmibhyas cadhiko yogi
    tasmad yogi bhavarjuna

    பற்றில் தவசி,பலன் பாராச் செயல்வீரர்,
    முற்றுமுணர் ஞானியரிம் மூவரின் - கற்றுணர்ந்த
    யோகியரே மேலவர் என்ப தறிகநீ
    ஆகியுணர் யோகத் தழகு (6:46)

அத்தியாயம்

01 02 03 04 05 06 07 08 09 10 11
Powered by Drupal. CrystalX theme created by Nuvio | Webdesign.