skip to content

கீதை அறிக நீ - அத்தியாயம் 8

கீதை அறிக நீ - அத்தியாயம் 8

  • sri-bhagavan uvaca
    aksharam brahma paramam
    svabhavo ’dhyatmam ucyate
    bhuta-bhavodbhava-karo
    visargah karma-samjnitah

    அழியாப் பரம்பொருள் அஃதே பிரம்மம்
    பழகியல்பாய் ஆன்மம் பரவும் - விழைவுகளால்
    உண்டாகும் ஊனுயிரிவ் வுண்மை யறிகநீ
    எண்ணத் தெழுங்கர்மம் இஃது (8:3)

  • adhibhutam ksaro bhavah
    purushas cadhidaivatam
    adhiyajno ’ham evatra
    dehe deha-bhrtam vara

    அழியும் இயற்கை அதிபூதம் ஆகும்
    தொழப்பலவாய் ஆதிதெய்வத் தோற்றம் - உழலுடலுள்
    ஓர்கருவாய் யாமியங்கும் உண்மை அறிகநீ
    ஆர்ந்த அதியக்யம் யாம் (8:4)
    ஆர்ந்த - நிறைந்த

  • anta-kale ca mam eva
    smaran muktva kalevaram
    yah prayati sa mad-bhavam
    yati nasty atra samsayah

    தம்முயிர் தம்முடலைச் சாய்த்துத் துறக்கையில்
    எம்மை நினைந்துருகி ஏத்துவோர் - அம்முதலே
    எல்லையிலா எம்நிலை எய்து வரறிகநீ
    இல்லையே ஐயம் இதில் (8:5)

  • abhyasa-yoga-yuktena
    cetasa nanya-gamina
    paramam purusham divyam
    yati parthanucintayan

    அலையெண்ணம் அஃதற் றகங்குவித்து மாறா
    நிலைநெஞ்சால் எம்மை நினைத்து - கலக்கமறத்
    தம்மிலக்கே நோக்கும் தரத்தார் அறிகநீ
    எம்மிடம் சேர்வார் இவர் (8:8)

  • kavim puranam anusasitaram
    anor aniyamsam anusmared yah
    sarvasya dhataram acintya-rupam
    aditya-varnam tamasah parastat

    முற்றும் உணர்ந்தவன் முந்தையன் மேய்ப்பவன்
    வெற்றின் விதையான் விளைவிப்பான் - கற்றுமெட்டா
    எண்ணத்தான் ஈறிலி யோகத் தறிகநீ
    வண்ணத்தில் ஆதவன் யாம் (8:9)

  • sarva-dvarani samyamya
    mano hridi nirudhya ca
    murdhny adhayatmanah pranam
    asthito yoga-dharanam

    ஐம்புலன்ஆர் ஆசை அறுத்தலே யோகநிலை,
    மெய்க்கதவம் மூடித்தம் மென்மனதால் உய்த்துணர்ந்து
    காற்றைத் தலையுட் காப்பர் அறிகநீ
    ஆற்றுவர் யோகம் அறிந்து (8:12)

  • om ity ekaksharam brahma
    vyaharan mam anusmaran
    yah prayati tyajan deham
    sa yati paramam gatim

    யோகத் தமர்ந்துயர் ஓம்காரம் வாயசைக்க
    ஏகத் தலைவன் எமைத்தொழுவோர் - போகவுடல்
    அற்றுப் பரத்தை அடைவார் அறிகநீ
    முற்றிலும் மெய்இம் மொழி (8:13)

  • mam upetya punar janma
    duhkhalayam asasvatam
    napnuvanti mahatmanah
    samsiddhim paramam gatah

    எம்மை அடைந்த எழுநிலை மாந்தர்கள்
    மம்மர் மயக்குமிம் மண்வாரார் - தம்யோக
    உத்தியால் எம்மை உணர்வோர் அறிகநீ
    சித்தி பெறுவார் சிறந்து (8:15)

  • sahasra-yuga-paryantam
    ahar yad brahmano viduh
    ratrim yuga-sahasrantam
    te ’ho-ratra-vido janah

    பிரமத்தின் ஓருபகல் பேருலகின் எண்ணில்
    வரும்யுகம் ஆயிர மாகும் - இரவதுவும்
    அக்கணக்கில் ஆயிரம் ஆமே அறிகநீ
    இக்கணக்(கு) ஒன்றே இயல்பு (8:17)

  • avyaktad vyaktayah sarvah
    prabhavanty ahar-agame
    ratry-agame praliyante
    tatraivavyakta-samjnake

    தோன்றும் பொருள்யாவும் தோய்ந்த இருளுடைத்(து)
    ஊன்றும் பகலில் உலகெங்கும் - வான்கருக்க,
    இவ்வையம் மீளும் இருளில்; அறிகநீ
    அவ்யக்தத் தோற்றம் அது (8:18)

  • paras tasmat tu bhavo ’nyo
    ’vyakto ’vyaktat sanatanah
    yah sa sarveshu bhutesu
    nasyatsu na vinasyati

    மாறும் நிலையிரண்டுள் மாறா நிலையொன்று
    வேறாகி என்றும் விளங்கிடும் - தேறாத
    மண்ணுலகம் தேய்ந்துமது மாறா தறிகநீ
    திண்ணம தென்னும் தெளிவு (8:20)

  • agnir jyotir ahah suklah
    san-masa uttarayanam
    tatra prayata gacchanti
    brahma brahma-vido janah

    சுடுதீ, ஒளி,பகல், சுக்கில பட்சம்,
    வடவான் பகலோன் வருங்கால் - படரிவைகண்
    தம்முயிர் ஈந்த தகையோர் அறிகநீ
    எம்மிடம் சேர்வ தியல்பு (8:24)

  • dhumo ratris tatha krishnah
    san-masa daksinayanam
    tatra candramasam jyotir
    yogi prapya nivartate

    காரிருளில் காணும் கரும்புகையில் தேய்நிலவில்
    சூரியன் தெற்கேகும் சூழ்நிலையில் - பாரிலுயிர்
    நீப்போர் அடைவர் நிலவை அறிகநீ
    பூப்பரவர் மீண்டும் பிறந்து (8:25)

  • sukla-krsne gati hy ete
    jagatah sasvate mate
    ekaya yaty anavrttim
    anyayavartate punah

    உண்டே வழிகள் உலகைத் துறக்கவிரு
    துண்டாய் இருளொளித் தோற்றங்கள் - கண்திறக்கும்
    மீயொளியில் மாண்டவுயிர் மீளா தறிகநீ
    சாயிருட்கண் மாண்ட தெழும் (8:26)

  • vedesu yajnesu tapahsu caiva
    danesu yat punya-phalam pradistam
    atyeti tat sarvam idam viditva
    yogi param sthanam upaiti cadyam

    ஆகமத் தேர்ச்சி, அருந்தொண்டு, செய்தவ
    யாகமிவை ஈன்பலன்கள் ஏராளம் - யோகத்தால்
    அக்கனிகள் யாவும் அடைவாய் அறிகநீ
    பக்தியே காணும் பரம் (8:28)

அத்தியாயம்

01 02 03 04 05 06 07 08 09 10 11
Powered by Drupal. CrystalX theme created by Nuvio | Webdesign.